ჩაქვი - დაბა ქობულეთის მუნიციპალიტეტში. მდებარეობს შავი ზღვის სანაპიროზე, მდინარე ჩაქვისწყლის ნაპირებზე, ზღვის დონიდან 30 მ, ქობულეთიდან 12 კმ. დაბის სტატუსი მიიღო 1954 წელს. მოსახლეობა 8.1 ათასი (2002).

ადამიანს ჩაქვში ჯერ კიდევ ქვის ხანაში უცხოვრია, აღმოჩენილია ბრინჯაოს ხანის განძი. ჩაქვში არის სასოფლო-სამეურნეო დანიშნულების, აგრეთვე კულტურის, განათლების და ჯანდაცვის ობიექტები. დაბაში არის რკინიგზის სადგური სამტრედია-მახინჯაურის ხაზზე. ჩაქვი შავი ზღვისპირა კლიმატური კურორტია.